ਖੁਸ਼ੀ

ਮੈਂ ਖੁਸ਼ ਹਾਂ ਅੱਜ ਇਸ ਕਰਕੇ ਵੀ

ਇਹ ਹਵਾ ਚੱਲੀ ਮੇਰੇ ਵੱਲ ਦੀ

ਇਨਾ ਠੰਡੀਆਂ ਸ਼ੀਤ ਹਵਾਵਾਂ ਨੇ

ਮੈਨੂ ਯਾਦ ਦਿਲਾਈ ਏ ਕੱਲ ਦੀ

ਇਨਾ ਰਾਹਾਂ ਤੇ ਮੈਂ ਚੱਲ ਚੱਲਕੇ

ਇਨਾ ਰਾਹਾਂ ਦਾ ਮੈਂ ਹੋ ਬੈਠਾ

ਇਹ ਦਿਨ ਕਿੰਨੇ ਹੀ ਲੰਮੇ ਨੇ

ਇਹ ਰਾਤ ਕਿੰਨੀ ਜਲਦੀ ਢਲਦੀ!

ਮੈਂ ਖੁਸ਼ ਹਾਂ ...............

ਇਨਾ ਸਾਰਿਆਂ ਤਾਰਿਆਂ ਨੂੰ ਮੈਂ ਅੱਜ

ਇਕ ਮੁਠੀ ਵਿਚ ਲਕੋ ਲੈਣਾ

ਫਿਰ ਇਕ ਇਕ ਕਰਕੇ ਵੇਖਾਂਗਾ

ਅਜਕਲ ਮਰਜ਼ੀ ਮੇਰੀ ਚਲਦੀ

ਮੈਂ ਖੁਸ਼ ਹਾਂ...............

ਤੇਰੇ ਸਾਥ ਨੇ ਕੀਤਾ ਹੈ ਜਾਦੂ

ਵਰਨਾ ਤੇ ਸਭ ਬਰਬਾਦ ਹੀ ਸੀ

ਰਾਤਾਂ ਨੂੰ ਚੰਨ ਨੇ ਸਾਥ ਦਿੱਤਾ

ਇਕ ਕਿਰਨ ਮੇਰੇ ਮਥੇ ਬਲਦੀ

ਮੈਂ ਖੁਸ਼ ਹਾਂ ...............

ਬਾਗਾਂ ਵਿਚ ਮੋਰਾਂ ਪੈਲ ਪਾਈ

ਇਹ ਬਾਰਿਸ਼ ਦਾ ਸੰਕੇਤ ਨਹੀਂ !

ਇਹ ਵੇਖ ਕੇ ਮੈਨੂ ਨਚਦੇ ਨੇ

ਚਰਚਾ ਨਾ ਹੋ ਜਾਏ ਇਸ ਗੱਲ ਦੀ

ਮੈਂ ਖੁਸ਼ ਹਾਂ ................

ਮੈਂ ਪੀਕੇ ਖੁਸ਼ ਹੋ ਜਾਂਦਾ ਹਾਂ

ਖੁਸ਼ ਹੋ ਕੇ ਵੀ ਪੀ ਲੈਂਦਾ ਹਾਂ

ਇਹ ਜਾਮ ਪਿਲਾਏ ਤੂੰ ਮੈਨੂੰ

ਇਹ ਝੂਠ ਨਹੀਂ ਹੈ ਸੋਂਹ ਰੱਬ ਦੀ

ਮੈਂ ਖੁਸ਼ ਹਾਂ ..................

ਤੇਰਾ ਜਾਣਾ .......

ਗੁਜਰਿਆ ਵਕ਼ਤ ਹੈ

ਮੁੜ ਕੇ ਨਹੀਂ ਆਣਾ

ਇਹੀ ਉਡੀਕ ਨਹੀਂ ਮੁਕਦੀ

ਹੈ ਬੰਦੇ ਨੇ ਮੁਕ ਜਾਣਾ

ਜੋ ਫੁੱਲ ਟੁੱਟ ਗਿਆ

ਓਹ ਸ਼ਾਖ ਸੁੰਨੀਂ ਹੋ ਹੀ ਜਾਂਦੀ ਹੈ

ਇਹ ਮੌਸਮ ਦਾ ਤਕਾਜਾ ਹੈ

ਕਦੋਂ ਫਿਰ ਫੁੱਲ ਨੇ ਖਿੜ ਜਾਣਾ

ਇਹ ਦੁਨਿਆ ਹੈ ਕਈ ਰੰਗਾਂ ਦੀ

ਪਤਾ ਚਲਿਆ ਹੁਣੇ ਮੈਨੂ

ਇਹ ਰੰਗ ਇੰਨੇ ਕੁ ਫਿੱਕੇ ਨੇ

ਇਨਾ ਨੇ ਝੱਟ ਬਦਲ ਜਾਣਾ

ਗੁੰਮ ਹੋਇਆ ਹਾਂ.......

ਸੋਚਾਂ ਦੀ ਇਸ ਭੀੜ ਦੇ ਵਿਚ ਮੈਂ

ਮੇਰੀ ਹਸਤੀ ਰਹੀ ਨਾ ਮੈਂ ਰਿਹਾ

ਕਿਸਨੂੰ ਮੈਂ ਪਹਚਾਣਾ

ਮੇਰੇ ਦਿਲ ਤੇ ਬਲਦੀਆਂ ਲਾਟਾਂ ਨੂੰ

ਓਹ ਦਿਨ ਦਾ ਚੜ੍ਨਾ ਕਹਿ ਬੈਠੇ

ਅਸੀਂ ਵੇਖ ਕੇ ਏਸ ਭੁਲੇਖੇ ਨੂੰ

ਦਿਲ ਦੀਆਂ ਦਿਲ ਵਿਚ ਲੈ ਬੈਠੇ

ਮੈਂ ਹਿਜਰਾਂ ਦੇ ਵਿਚ ਅਕਸਰ ਹੀ

ਜਿਓਣ ਲਈ ਹਸਦਾ ਰਹਿੰਦਾ ਹਾਂ

ਲੋਕੀਂ ਮੇਰੇ ਇਸ ਹਾਸੇ ਨੂੰ

ਇਕ ਗੀਤ ਸੁਹਾਨਾ ਕਹ ਬੈਠੇ

ਇਨਾ ਸਾਹਵਾਂ ਦੀ ਥਾਂ ਅਕਸਰ ਹੀ

ਦਿਨ ਰਾਤ ਮੈਂ ਹੌਕੇ ਭਰਦਾਂ ਹਾਂ

ਇਹ ਹੌਕੇ ਤਾਂ ਮੇਰੇ ਸਾਥੀ ਨੇ

ਲੋਕੀਂ ਰੋਗ ਪੁਰਾਣਾ ਕਹ ਬੈਠੇ

ਜੁਗ੍ਨੁਆਂ ਨੂੰ ਤਾਂ ਪਤਾ ਸੀ

ਰਾਤਾਂ ਦਾ ਮੇਰਾ ਜਾਗਣਾ

ਤਾਰੇ ਵੀ ਮੇਰੇ ਸਾਥੀ ਸਨ

ਕਿਓਂ ਕੋਰਾ ਝੂਠ ਓਹ ਕਹ ਬੈਠੇ

ਇਨਾ ਫੁੱਲਾਂ ਦਾ ਕੋਈ ਦੋਸ਼ ਨਹੀਂ

ਮੁਸਕਾਨ ਇਨਾ ਦੀ ਮੇਰਿਆ ਰੱਬਾ

ਪਰ ਕਿਓਂ ਦੋ ਦਿਨ ਹੋਰ ਨਹੀਂ

ਇਨਾ ਫੁੱਲਾਂ ਦਾ ...............

ਕੌਣ ਕਰੇ ਬਿਰਖਾਂ ਨੂੰ ਛਾਵਾਂ

ਪੰਛੀਆਂ ਨੂੰ ਚੇਹਕੰਨ ਦੇ ਲਈ

ਕਿਥੋਂ ਲਿਆਵਾਂ ਠੰਡੀਆਂ ਹਵਾਵਾਂ

ਡੋਬ ਕੇ ਸੂਰਜ ਸਿਖਰ ਦੁਪੇਹਰੇ

ਤੂੰ ਵੀ ਅੱਜ ਨਿਰਦੋਸ਼ ਨਹੀਂ

ਇਨਾ ਫੁੱਲਾਂ ਦਾ ..............

ਵਕ਼ਤ ਅਗਰ ਵਫਾ ਕਰ ਜਾਂਦਾਂ

ਸ਼ਾਇਦ ਰੰਗਲੀ ਦੁਨੀਆ ਦੇ ਵਿਚ

ਥ੍ਹੋੜਾ ਰੋ ਕੇ ਹੀ ਸਰ ਜਾਂਦਾਂ

ਹਥ ਲਾਯਿਆਂ ਸਿਮ੍ਦੇ ਨੇ ਇਹ

ਜ਼ਖਮ ਨੇ ਕੋਈ ਖ਼ਰੋਸ਼ ਨਹੀਂ

ਇਨਾ ਫੁੱਲਾਂ ਦਾ .............

ਕਿੰਨੇ ਨੇ ਇਹ ਪਾਣੀ ਗਹਰੇ

ਉੱਡ ਗਏ ਪੰਛੀ ਪਿੰਜਰੇ ਵਿੰਚੋੰ

ਲਖ ਹਜਾਰਾਂ ਦਿੱਤੇ ਪਹਰੇ

ਪੰਛੀਆਂ ਦੇ ਉਨਾ ਗੀਤਾਂ ਦਾ

ਬਾਗਾਂ ਵਿਚ ਅੱਜ ਕਯੋਂ ਸ਼ੋਰ ਨਹੀਂ

ਇਨਾ ਫੁੱਲਾਂ ਦਾ ................